Питрәчлеләрне чаңгы ярышларына чакыралар
Еллык традицион массакүләм чаңгы ярышлары бу шимбәдә узачак.
Безнең районда чаңгы ярышлары барлык торак пунктларда да үтәчәк, ә төп ярышлар Питрәч авылы наратлыгындагы стадионда узачак. Ярышлар 10.30 сәгатьтә башлана. Башта катнашучыларны теркәячәкләр, аннары тантаналы ачылыш булачак.
Беренче стартны 5-8 сыйныф кызлары һәм малайлары ачачак, алар 1,5 километр арага йөгерәчәк. 9-11 сыйныфта укучы кызлар да, хатын-кызлар, ветераннар, оешма һәм предприятие җитәкчеләре дә шундый ук араны узачак. 9-11 сыйныфта укучы малайлар һәм ир-атлар 3 километр арада узышачак.
Питрәчлеләрне һәм район кунакларын спорт чарасында актив катнашырга һәм саф һавада ял итәргә чакыралар.
6+
Следите за самым важным и интересным в Telegram-каналеТатмедиа
