Питрәчнең яшь футболчылары республика турнирында катнашты

Казан шәһәренең «Рубин» стадионында 2011-2012 елгы егетләр арасында «Кожаный мяч» республика турнирының финал уеннары узды.

Питрәч футболчылары «Б» төркемендә Казанның «Импульс» командасына 0:2 исәбе белән җиңелделәр һәм шул ук исәп белән «Факел»ны (Нурлат) оттылар. Шул рәвешле, ярымфиналга чыгып, безнең спортчылар турнирның булачак чемпионы – Яшел Үзән командасына 0:7 исәбе белән җиңелделәр.

Өченче урын өчен уенда питрәчлеләр Арча шәһәреннән яшьтәшләрен 1:0 исәбе белән җиңеп, бронза медаль яулыйлар.

Команданың тренерлары – Александр Каляшин һәм Илфат Шакиров.