Питрәчтә Россия Герое Кубогына мини-футбол буенча турнир узды

Фото: © Люция Сираҗиева / «Питрәч-информ»

Питрәч беренче мәктәбе мәйданчыгында минифутбол буенча район беренчелеге узды. Чараны Иван Алексеевичның туган көнендә оештырдылар – аңа 36 яшь тулды. Бу мәктәпнең аның исемен йөртүе символик мәгънәгә ия.

Район башлыгы Рәис Сөләйманов тантанада катнашкан геройның туганнарына рәхмәт белдерде.

– Туганнар – теләсә кайсы сугышчыга таяныч һәм ышаныч ул. Сине яратулары һәм көтүләре бик мөһим. Аның батырлыгы һәм Ватанга фидакарь хезмәте – безнең барыбыз өчен дә үрнәк, – диде ул, геройның әнисе Татьяна Додосовага котлау открыткасы һәм бүләк тапшырып.

Подполковник Иван Додосов алгы сызыкта. Татьяна Николаевна сөйләгәнчә, төн уртасыннан гаиләсе аның белән элемтәгә керергә тырышып караган һәм төнге сәгать бердә аны котлый алган.

– Без Россия Героеның әти-әнисе булырбыз дип уйламадык та, хыялланмадык та. Геройлар булып тумыйлар, геройлар булалар, – дип уртаклашты әнисе һәм бу туган көннең бераз моңсу булуы турында әйтте, чөнки ул еракта, әмма шул ук вакытта аралаша һәм котлый алуларына сөенәләр.

Ул балаларга Иван Алексеевичның мәктәп елларында спортның төрле төрләре белән мавыгуы турында сөйләде. Велосипедта йөрергә яраткан, хоккей уйнаган. Әмма аның өчен иң яраткан команда спорты булып футбол кала.

Спорт мәктәбе директоры Алексей Чукуров белдергәнчә, турнирны уздыру идеясе герой белән шәхси әңгәмәдән соң туган, анда Иван Додосов мәктәпнең мини-футбол командасы өчен чыгышлары турындагы истәлекләре белән уртаклашкан.

Бүген дә балалар үз авыллары һәм мәктәпләре өчен чыгыш ясадылар. Ленино-Кокушкино командасыннан Арина Саркеева футбол уенының малайлар өчен генә түгел икәнлеген исбатлады. Ул баскетбол белән шөгыльләнә, кросста катнаша, ләкин нәкъ менә футбол аның төп мавыгуына әйләнгән. Аның командасында малайлар гына булуга карамастан, алар, Арина сүзләренчә, аны кыерсытмыйлар, ә киресенчә – һәрвакыт хуплыйлар.

– Мин биш яшемдә футбол уйный башладым. Беренче тапкыр абый белән карарга гына килдем, әмма бу мине кызыксындырды, һәм мин үзем уйнап карарга булдым, – дип уртаклашты кыз.

Арина һөҗүмче позициясендә уйный, аның копилкасында 60 тан артык гол. Бигрәк тә ул Питрәчтә узган ярышларда иң яхшы бомбардир титулы белән горурлана, анда акчалата приз күңелле бонус булган.

Аның командасы турнирны Шәле авылыннан “Легион” командасына каршы матч белән ачып җибәрде һәм алар җиңү яулады. Һөҗүмче Эмиль Зәйнуллин ике гол кертте. Егет футболда күнекмәләр генә түгел, уңышлар да мөһим, – ди. Арина кебек үк, ул футболга “Легион”ның яшьләр составында капкачы булган абыйсы артыннан килгән. Эмиль үзе өч ел уйный, ә аның командадашы Әмир Исламов – дүрт ел.

– Гадәттә мин һөҗүмче, ләкин бүген сакка бастым, – дип сөйли Әмир. – Балачактан футбол турында хыялландым. Уйный башладым, барысы да килеп чыкты. Профессионал буласым, зур футбол уйныйсым, кубоклар отасым һәм Татарстан яки Россия җыелмасына эләгәсем килә, – дип уртаклашты ул.

Аның уен номеры – 7, кумир Криштиану Роналдуныкы кебек.

Турнир нәтиҗәләре буенча Шәле командасы икенче урынны алды. Беренче урынны – Питрәчлеләр, өченче урынны Көек авылыннан “Алгоритм” лицее яулады. Ярышлар инде икенче мәртәбә узды, һәм оештыручылар аларны ел саен үткәрелә торган традияйгә әверелергә ниятли.

ФОТОРЕПОРТАЖ