Питрәчтә үз оборона буенча Татарстан беренчелеге узды

Питрәчтә үз оборона буенча Татарстан беренчелеге узды. Анда 60 лап кеше катнашты: 6 яшьтән башлап балалар һәм өлкәннәр. Ярышлар өч көн дәвам итте һәм сынау режимында “Мишә” спорт комплексы базасында узды.

Һәркем үзен урамдагы хулиганнардан, мәктәптә буллингтан, гомумән, адекват булмаганнардан яклый белергә тиеш. Юлда кемнең очрыйсын, кемнең сиңа бәйләнәсен алдан белеп булмый. Бер ел элек ТР Федерациясе барлыкка килде, ул кешеләр үзләрен яклый белсен өчен эшләнә. Ә үз-үзеңне яклау буенча беренчелек – көрәш келәмендә бермә-бер көрәш.

– Спорт ярышлары, нигездә, һөҗүм булса, монда – оборона, каршы тору – дип ассызыклый Федерация президенты Александр Комисаров. – Спортчылар пычак, пистолет яки таяк белән һөҗүм итүдән ничек сакланырга икәнен күрсәтәләр. Секциядә теләсә кем шөгыльләнә ала.

Үз-үзеңне яклау кирәкле чикләрдән артмасын, хәрби алымнар хатасыз башкарылсын һәм оппонентка зыян китермәсен өчен – ярышларның баш хөкемдары Александр Глазистов күзәтте.

– Теләсә нинди демонстрацион спорт төрләрендәге кебек үк, штраф баллары, искәрмәләр ясыйбыз. Гомуми картина төзелә һәм объектив рәвештә математик төгәллек белән без җиңүчене билгелибез, – дип билгеләп үтә ул.

Иң яхшыларны дипломнар һәм медальләр белән бүләкләделәр. Алар арасында Питрәч авылыннан яшьләр, бертуганнар Софья һәм Александр Корчагиннар бар. Алар ТР реаль айкидо федерациясе җитәкчесе Руфина Корчагина тәрбияләнүчеләре.

– Безне үзебезне һәм якыннарыбызны гына түгел, көчсезләрне дә якларга өйрәтәләр. Бездән беркем дә курыкмый, ләкин берәр нәрсә булса, безнең каршылык күрсәтә алуыбызны да беләләр, – ди Саша.

Балалар мәктәптә үз-үзләрен яклау күнекмәләрен бер генә тапкыр кулланырга туры килүен таный.

Алар Питрәчтә “Крепость” клубында реаль айкидо һәм үз оборона секциясендә атнага ике тапкыр шөгыльләнәләр. Малайлар һәм кызлар ике яшь төркеменә бүленгән, алар әлегә 15 кеше. Җыю дәвам итә. Дүрт яшьтән башлап балалардан тыш, олыларны да чакыралар.

– Без теләсә кайсы яшьтәге, теләсә нинди физик әзерлектәге кешеләргә шат. Безнең спорт төре өчен махсус күнекмәләр таләп ителми, – дип ышандыра Руфинә Таһировна.