Питрәч футзалы. "Барс" "Виктория"дән бер очкога калыша

"Виктория" бу егерменче турда "Тау Иле" белән тигез исәпкә уйнады - 0:0. 
Хәзер "Виктория" нең 44 очкосы бар, ә "Барса" 43 очкога ия.
Сүз уңаеннан, егерменче тур бик киеренке көрәштә узды, барлык уеннар да диярлек командаларның берсе минималь исәпкә җиңүе белән тәмамланды. "Стар" "Фрейндшип"ны - 5:4, "Олимп" "Милан"ны - 6:5, "Легион" "Аврора"ны - 3:2, "Феникс" "Ред Булл"ны - 4:2, КПРФ "Атлетико"ны - 3:1 исәбенә җиңде.
Бары бер уенда гына зур исәп теркәлде. "Аякс" чемпионатның аутсайдеры "Спортинг"ны 9:2 исәбенә тар-мар итте. Бу җиңүдән соң ленино-кокушкинолылар 40 очко җыеп, өченче урында бара. Лидерлар төркеменә кергәннәр арасында: «Легион» - 38, «Тау Иле» - 37, «Стар» - 36, «Олимп» - 31 очко.
Снайперлар арасында Лидер Сергей Одинцов ("Виктория") инде өченче тур рәттән нәтиҗәлелек өчен баллар җыя алмый, шуңа да карамастан, ул 64 балл белән (43 гол+21 пас) өстенлектә тора. Хәзер Роман Мяткин («Аякс») аннан нибары сигез баллга калыша.
Киләсе атнадан командалар икешәр уен уздырачак.