Питрәчлеләргә февраль аена спорт календарен тәкъдим итәбез
Бу ай спорт чараларына бай. Кышкы спорт төрләре буенча бик күп ярышлар уздырылачак.
5 февральдә егетләр һәм кызлар арасында кышкы күп төрле ярыш буенча ДОСААФ призларына район ярышлары узачак. 12 февральдә кызлар һәм егетләр биатлон буенча ДОСААФ призларына көч сынашачак. 6 февральдә Питрәчтә ГТО буенча кышкы фестиваль ярышлары узачак.
13 февральдә Наратлыкта традицион «Россия чаңгы юллары-2021» узачак. 19 февраль көнне спорт мәктәбендә «Аҗаган» хәрби-спорт уены узачак.
Питрәч спортчылары шулай ук республика һәм район дәрәҗәсендәге күп кенә ярышларда катнашачак. Бу - Идел буе федераль округы, Татарстан беренчелеге, чаңгы ярышлары, футбол, волейбол уеннары һәм башкалар.
Следите за самым важным и интересным в Telegram-каналеТатмедиа
