Питрәчтә яңа хоккей сезоны старт алды
Питрәч бозында 2006 елгы егетләр арасында хоккей буенча Татарстан Республикасы көненә багышланган турнир уза.
Анда алты команда катнаша. Турнирны "Ак барс" (Казан) һәм "Сарматы" (Оренбург) командалары ачты, бу уенда казанлылар 9:3 исәбе белән җиңде. Аннары бозга "Пестрецы" һәм "Ягуар" (Кукмара) командалары чыкты. Беренче период 2:2 исәбендә төгәлләнде, икенчедә исә питрәчлеләр инициативаны үз кулларына алдылар һәм 8:3 исәбендә җиңделәр. Безнең команданың һөҗүмчесе Илья Антонов бу уенда дүрт алка кертте. Кызганыч, "Сарматы" командасына каршы уенда безнекеләр киеренке көрәштә 4:5 исәбенә оттырдылар.
Турнирда "Ак барс" лидер булып бара, аның исәбендә тугыз очко, икенче урында "Сарматы" - 6 очко, "Орлан" (Стәрлетамак, Башкортстан) - 4 очко, Питрәч командасының исәбендә әлегә 3 очко.
Турнир турында тулырак газетаның киләсе санында укыгыз.
Следите за самым важным и интересным в Telegram-каналеТатмедиа
