Алга

Питрәч районы

16+
Рус Тат
Спорт

"Виктория" җиңелүне белми

Авыл яшьләре арасында мини-футбол буенча район чемпионатының беренче әйләнеш уеннары ахырына якынлаша. Атна дәвамында 8 һәм 9 нчы тур уеннары узды, аның нәтиҗәләре буенча, лидер үз позицияләрен саклап калды.

Сишәмбе көнне чемпионатның ике уены үтте һәм алар икесе дә бик киеренке узды. Беренчеләрдән булып, мәйданчыкка лидерлар рәтенә кергән "Аякс" һәм "Олимп" командалары чыкты. Уен "Олимп" уенчылары һөҗүменнән башланды, әмма ленинококушкинолылар аларга каршы һөҗүм ясадылар һәм үз мөмкинлекләреннән файдаландылар. Беренче таймнан соң, алар 4:0 исәбе белән җиңеп барды, ә нәтиҗәдәге исәп - "Аякс" файдасына 5:1.
Шул рәвешле, командалар урыннары белән алмаштылар, "Аякс" 21 очко җыеп икенче урынга чыкты, 19 очко җыйган "Олимп" исә өченче урынны алды. 18 очко җыйган "Арсенал" "Скиф" командасына 1:5 исәбендә оттырып, дүртенче урында калды. "Скиф" уенга лидер булып саналган "Виктория" командасын җиңү теләге белән чыкты. Бу көнне аларның туп кертүдән тыш, барысы да килеп чыкты, алар күп тапкыр һөҗүм иттеләр, ләкин туп һич тә "Виктория" капкасына кермәде. Ә лидер үз мөмкинлекләреннән файдаланды, өч туп кертеп һәм 27 очко җыеп, рәттән тугызынчы җиңүгә иреште.
Башка уеннар алдагы нәтиҗәләргә китерде: "Легион" - "Олимп" - 0:5, "Аврора" - "Виктория" - 2:7, "Триумф" - "Титан" - 4:5, "Феникс" - "Аякс" - 2:3.
Һөҗүмчеләр арасында элеккечә Артем Утяганов ("Виктория") - 17+9 (26 балл) алда. Аннан бер баллга гына Николай Парфенов ("Титан") калыша - 17+8, Алексей Ивановский ("Олимп") өченче урында, ул 18+6 баллга ия.

 

Следите за самым важным и интересным в Telegram-каналеТатмедиа


Галерея

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Теги: спорт