Быел капиталь ремонт программасына Питрәч районындагы алты йорт кертелгән
Авылларның берсендә планлаштырылган эшләр инде эшләнгән, калган икесендә объектларга материаллар алып кайтканнар.
Хәзерге вакытта Колайда, Профсоюз урамындагы 36 нчы йортта төзүчеләр түбәне алыштырганнар һәм бинаның эченә, подъездларга күчкәннәр. Ә Пановкада (анда капиталь ремонтны ике йортта ясаячаклар) һәм Кощакта әлегә әзерләнү этабын гына үткәргәннәр - материаллар алып кайтканнар. Әлеге авыллардан тыш, программага Питрәчтәге һәм Ленино-Кокушкинодагы берәр йорт кергән.
Эшләрнең төп билгеләнгән төрләре - түбәне, подъезларны, су белән тәэмин итү һәм ташландык суларны агызу системаларын ремонтлау.
Бу турыда тулырак "Вперед" ("Алга") газетасының алдагы санында укыгыз.
Следите за самым важным и интересным в Telegram-каналеТатмедиа
