Халык санын алу вакытында нинди сораулар биреләчәк?

Россия Федерациясе Хөкүмәте боерыгы белән исәпкә алу битләренең өч формасы расланды, алар 2020 елгы Бөтенроссия халык санын алу барышында кулланылачак.
Л формасы бланкы РФда даими яшәүче затлар турында мәгълүмат җыю өчен билгеләнгән. Анда 23 сорау, алар арасында кешенең җенесе, яше, гражданлыгы, туган урыны, милләте, белеме, никахтагы торышы, балалар саны, тормыш итәр өчен табыш чыганагы, мәшгульлеге турындагы  һәм башка сораулар бар.
П формасындагы бланк халыкның торак шартлары турындагы мәгълүматларны җыю өчен кулланылачак. Ул 7 сорауны үз эченә алган, шул исәптән торак бина тибы, йортның төзелү вакыты, гомуми мәйданы, бүлмәләрнең саны, торак бинаны төзекләндерү төрләре турында.
В формасындагы бланк -  вакытлыча Россиядә булган һәм башка илләрдә даими яшәүчеләр өчен. Анда 7 сорау, шул исәптән җенес, яшь, даими яшәү иле, Россиягә килү максаты, Россия территориясендә яшәү дәвамлылыгы һәм башкалар.
Бланкларның формалары илдә яшәүчеләрнең «Дәүләт хезмәтләре» порталындагы исәпкә алу кәгазен мөстәкыйль тутыру мөмкинлеге барлыкка килүне исәпкә алып эшләнгән. Исәпкә алучылар мәгълүматларны җыюны электрон планшетлар ярдәмендә башкарачак, ә кәгазь исәпкә алу битләре бары тик аерым очракларда гына тутырылачак. Мәсәлән, планшет кинәт сафтан чыккан очракта.
Сорауларны төзүдә билгеле бер төзәтмәләр кертелде. Яңалыкларның берсе - кешедән рус һәм башка телләрне белүләре турында гына  түгел, ә бу телләрне көндәлек тормышта куллану-кулланмаулары белән дә кызыксыначаклар. Әлеге мәгълүматлар белем бирү программаларының нәтиҗәлелеген, милли мәктәпләргә ихтыяҗ дәрәҗәсен бәяләргә, шулай ук мәдәни инициативаларга ярдәм итүнең өстенлекле юнәлешләрен билгеләргә мөмкинлек бирәчәк.
Җавапларның иң киң таралган вариантлары: хезмәт хакы, эшмәкәрлек кереме, үзмәшгульлек, пенсия, пособие һәм башкалар. Исәпкә алу кәгазендә керем күләме турында сорау юк иде. Эш бирүчене атау да таләп ителми. Статистика хезмәткәрләрен бары тик акча чыганагы гына кызыксындыра, мәсәлән, «хезмәт хакы» яки «пенсия» турында мәгълүматны документаль раслауларсыз гына сораячаклар.
Мәгариф турындагы сораулар блогында «Мәктәпкәчә белем бирү» графасы барлыкка килде, ә «урта белем» графасы «квалификацияле эшче, хезмәткәр» һәм «урта звено белгече»нә бүленде. Югары белем градацияләре дә закон нигезенә туры китерелде: «бакалавр», «белгечлек», «магистратура».

Врезка:
 Бөтенроссия халык санын алу 2020 елның 1 октябреннән 31 октябренә кадәр илнең бөтен территориясендә узачак. Ерак районнардагы халык санын 1 апрельдән 20 декабрьгә кадәр исәпкә алачаклар. 2020 елның 1-25 октябрендә илнең теләсә кайсы кешесе «Дәүләт хезмәтләре» порталында мөстәкыйль рәвештә языла алачак. Моның өчен стандарт яки расланган хисап язмасы кирәк булачак. 4-27 октябрьдә исәп алучылар планшетлар белән фатирларны һәм йортларны йөреп чыгачак һәм интернет-исәп алуда катнашмаган илебез кешеләрен сораштырачак. «Дәүләт хезмәтләре» порталында язылучыларга раслау кодын күрсәтү дә җитә. Исәпкә алучылар махсус экипировка һәм паспорт тапшырганда гамәлдә булу таныклыгы булачак. Исәпкә алу участоклары эше оештырылачак, шул исәптән күп функцияле үзәк биналарында да. Исәпкә алу финалында, 28-31 октябрьдә, 10 процент торак биналар тикшерү узачак.