КЫСКА ХӘБӘРЛӘР
Районда чәчү мәйданнарының 60 процентында чәчү тәмамланган. 19559 гектарда чәчү эшләре башкарылган, шулардан 14138 гектарда - сабан бөртеклеләре. 2998 гектарда бодай, 7750 гектарда арпа, 1378 гектарда солы чәчелгән. Питрәчнең кайбер крестьян-фермер хуҗалыклары 10 майга чәчү эшләрен уңышлы тәмамлаган. Шулай ук күпьеллык үләннәрне һәм уҗым культураларын тырмалау һәм өстәмә тукландыру эшләре...
ПИТРӘЧ ЕГЕТ-КЫЗЛАРЫ Яр Чаллыда узган "Серле сандык" региональ милли иҗат фестивалендә призлы урыннар яулады. Алар - Тәлгать Мостафин, Ильнара Фәхриева, Роза Шәмсетдинова, Рифат Баһауов, Таңсылу Хәйретдинова һәм Рөстәм Хәсәнов.
Питрәчтә "Чиста урман" акциясе үтте. Урманны җыештыруда һәм чүп-чардан чистартуда район үзәгенең 1 нче һәм 2 нче мәктәпләре, интернат-мәктәп хезмәткәрләре катнашты.
Район үзәгенең 1 нче мәктәбе укучысы Аделина Зарипова 2016 елда "Яшь хокук сакчысы" Бөтенроссия конкурсының беренче этабында катнашкан өчен беренче дәрәҗә диплом белән бүләкләнде. Ә Регина Зарипова (1 нче мәктәп) әлеге конкурста актив катнашкан өчен диплом белән бүләкләнде.
"Селяночка" вокаль дуэты (Валентина Ямщикова һәм Наталья Колыхалова) Казанда үткән "Рус җыры" республика конкурсында өченче урын алды.
Следите за самым важным и интересным в Telegram-каналеТатмедиа
