КЫСКА ХӘБӘРЛӘР

ПИТРӘЧТӘН АЛЬБЕРТ ХАММАДИЕВ Чебоксарда үткән "Йолдызлы Олимп" III халыкара конкурсында I дәрәҗә лауреат булды. Пановка балалар сәнгать мәктәбендә тәрбияләнүчеләр дә конкурста яхшы чыгыш ясады. Фирүзә Гобәйдуллина II дәрәҗә лауреат, ә "Половинки" дуэты - Кристина Сергеева һәм Карина Федюнина (җитәкче В.В.Ямщикова) III дәрәҗә лауреат булды.

24 ФЕВРАЛЬДӘ берьюлы ике учреждение - "Кыңгыраучык" һәм "Кояшкай" балалар бакчалары ремонтка ябыла. Аларга 300дән артык бала йөри. Шулай да ата-аналарга борчылырга кирәкми. Район мәгариф бүлегендә хәбәр итүләренчә, балаларны Питрәчнең башка бакчаларына билгеләячәкләр. Башка балалар бакчасына йөрергә теләмәгәннәр, өйдә утыра һәм үз бакчаларының ачылганын көтә ала. Ремонттан соң әлеге учреждениеләрне 1 апрельдә ачу планлаштырыла.

БАЛАЛАР ИҖАТ ЙОРТЫНДА республика "Дәресләрдән соң мәктәп" грант проекты кысаларында "Гонка", "Кегельринг", "Сумо" номинацияләре буенча лего-робототехника буенча район ярышлары үтте. Анда балалар иҗат йорты, Питрәч 1 нче һәм 2 нче мәктәпләренең өстәмә белем бирү берләшмәләрендә укучы 25 бала катнашты. Җиңүчеләр дипломнар һәм истәлекле бүләкләр белән бүләкләнде. (Җиңүчеләр исемлеге белән безнең сайтта танышырга мөмкин).

ПИТРӘЧНЕҢ 2 НЧЕ МӘКТӘБЕНДӘ " әдәби-музыкаль кичә үтте. Ул Герой шагыйрь Муса Җәлил тууның 110 еллыгына багышланды. Анда үзәк китапханә хезмәткәрләре катнашты, алар китап күргәзмәсе оештырды һәм легендар шагыйрьнең тормыш һәм иҗат юлына багышланган "Муса Җәлил эзләре буенча" викторинасын үткәрде.

КОЛАЙ МӘКТӘБЕНДӘ гражданлык-патриотик тәрбия айлыгы кысаларында 2-8 сыйныф укучылары арасында строй һәм җырлар смотры үтте. Анда 3 нче сыйныф укучылары җиңде (сыйныф җитәкчесе В.И.Васина), икенче урында - 7 нче сыйныф, өченче урында - 4 нче сыйныф укучылары.

"А" дивизионында ПЛХЛ һәвәскәр лигада чираттагы матчта "Пестрецы" ир-атлар командасы үз бозларында Казанның "АБС" командасы белән очрашты һәм 1:6 исәбе белән оттырды. Питрәчлеләрдән алканы Рәсүл Халиуллин кертте.