«Ак барс-Питрәч» ҖЧҖ генераль директоры Радик Зиннәтов финанс хезмәте башлыгы Ризидә Хәйретдинованы 55 яшьлек юбилее белән котлады.
«Ак Барс Питрәч» ҖЧҖдә үз ветераннарын хөрмәтләү традициясе яши, хуҗалыкның тәҗрибәле хезмәткәрләренең берсе - Ризидә Хәйретдинова.
Ризидә Рәдиф кызы «Ленино-Кокушкино» совхозына 1983 елда Югары Ослан училищесын тәмамлаганнан соң килә, анда бухгалтер һөнәрен үзләштергән. 1989 елда читтән торып Казан авыл хуҗалыгы институтын тәмамлаган.
- Ул вакытта безнең коллектив бик зур булмаса да, эш күп иде, - дип сөйли ул. - Хәзер компьютерларда эшлибез, ә ул чакта кәгазь эше күбрәк иде.
Ул күрше Саба районы Күкчә авылында тугып-үскән. Алтынчы сыйныфта укыганда, гаилә Питрәчкә күчеп килгән.
- Әни Мәймура кошчы, ә әти Рәдиф зоотехник булып эшләде. Шул вакыттан бирле мин монда яшим, - дип үзенең биографиясе турында сөйләде юбиляр. - Улым Динар белән Илнар югары белем алдылар, Казанда эшлиләр.
Әлбәттә, эштә төрле вакытлар була, әмма безнең коллектив барысын да үти, без барысын да бергә, бердәм эшлибез. Яшь белгечләр бездән үрнәк алалар, үзебезгә лаеклы алмаш әзерлибез, - дип билгеләп үтә ул.
Хезмәттәшләре дә Ризидә Рәдиф кызы турында ихтирам белән сөйли.
- Ул безнең остазыбыз, һәрвакыт ярдәм итә, барысын да аңлата, искиткеч кеше, - диде алар.
Радик Әсхәтович юбилярны тәбрикләгәндә Ризидә Рәдифовнага карата зур хөрмәтен белдерде.
- Ул Бөек Җиңү көне - 9 майда туган. Шуңа да ул характеры буенча да җиңүче. Эшен намус белән башкара, аңа һәрвакыт ышанырга була. Аны юбилее белән котлыйм һәм нык сәламәтлек, озын гомер телим!
Узган ел Ризидә Хәйретдинова «Татарстан Республикасының атказанган авыл хуҗалыгы хезмәткәре» дигән югары исемгә лаек булды.
Иң мөһим һәм кызыклы язмаларны Татмедиа Telegram-каналында укыгыз
