Татарстан мәктәпләрендә 1 сентябрь бәйрәменә кертелгән чикләүләр турында сөйләделәр
Төрле сыйныфлар һәм бигрәк тә мәктәпләр катнашында уртак массакүләм чаралар тыела.
Татарстанда белем көнендә мәктәп линейкалары һәр сыйныф өчен аерым ачык һавада узачак.
Роспотребнадзорның таләпләре узган елгыга охшаш. Бу - 1 сентябрьдә ачык һавада сыйныфлар яисә параллельләр буенча бәйрәм чаралары уздыру. Ата-аналар шәхси саклану чараларын кулланырга тиеш», — дип сөйләде «Татар-информ»да матбугат конференциясендә Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтнең Татарстан буенча идарәсе (Роспотребнадзор) матбугат секретаре Миләүшә Җамалиева.
Миләүшә Җамалиева яңа уку елында респиратор авырулар билгеләре булган затларны ачыклау һәм мәктәпкә кертмәү өчен «иртәнге фильтр» эшләвен дәвам итәчәген өстәде.
Элегрәк без Татарстанда коронавируска каршы вакцинация ясатмаган ата-аналар өчен мәктәпкә линейкага килүгә чикләүләрнең булмавы турында хәбәр иткән идек.
Следите за самым важным и интересным в Telegram-каналеТатмедиа
