“Без Ватан алдындагы бурычыбызны үтәргә әзер”

илне сакларга әзер. Узган атнада утыз биш егет тә соңгы чакырылыш комиссиясен узды. Комиссия әгъзалары армиягә чакырылучыларның хезмәткә әзерлегеннән канәгать калды.
Барлык егетләр дә сау-сәламәт, белем алганнар, аларның машина йөртү таныклыклары бар һәм, иң мөһиме, алар Ватанга хезмәт итәргә әзер.
Нигездә, Питрәч егетләре шефлыктагы хәрби частьларда, космик көчләр, Самара өлкәсендәге һәм Краснодар краендагы Адлер шәһәрендә шефлыктагы частьта хезмәт итәчәк.
Питрәчле Андрей Евстафьев быел җәй КФУны тәмамлап, диплом алган һәм ул хезмәт итәргә әзер.
- Әйе, мин инде тулысынча армиягә барырга әзер, миңа 22 яшь. Башта мин университетны тәмамладым, югары белем алдым. Бу башка күнекмәләр кебек үк, хезмәттә кирәк булыр дип уйлыйм.
Физик яктан әзер, спортны яратам, йөгерү, армспорт һәм башка спорт төрләре белән шөгыльләнәм.
Армиядә хезмәт итү – һәр егетнең бурычы дип саныйм. Хәзер исә безнең бурыч – намус белән хезмәт итү, туган җиргә кайтып, яраткан эш белән шөгыльләнү, - ди булачак солдат Андрей.
Иске Шигалидән Раил Саттаров Андрейдан бер яшькә кечерәк, әмма аларның язмышлары охшаш. Раил быел Аграр университетны тәмамлаган, һәм инде эшли башлаган. Ул җәйге каникулларда комбайнчы булып эшләгән, башта туган авыл хуҗалыгында “Енисей” комбайнында, ә соңгы арада “Ак барс-Питрәч” ҖЧҖдә “Нью-Холланд” комбайнында. Шулай ук бер ел “Питрәч-Агрохим” ҖЧҖдә дә идарәче булып эшләгән.
- Үз тормышында һәрбер ир-ат агач утыртырга, йорт салырга, ул үстерергә, армиядә хезмәт итәргә тиеш, - ди Раил, - мин спорт белән дә шөгыльләнәм. Минем яраткан спорт төрләре – футбол, баскетбол, кул сугышы һәм башкалар. Кайда һәм нинди гаскәрләрдә хезмәт итүем мөһим түгел. Мин намус белән хезмәт итәргә, моның өчен командирларның боерыкларын тыңларга һәм үтәргә, туган якка исән-сау әйләнеп кайтырга кирәк.