Сәбәпләрне янгын тикшерүчеләренә ачыкларга кирәк булачак.
Питрәч районы Көек авылында булган янгын нәтиҗәсендә өч кешедән торган гаилә түбәсез калган.
Янгын вакытында йортта хатын-кыз була. Ул икенче катта була, беренче катның төтенләнүен сизә. Хатын-кыз өйдән мөстәкыйль рәвештә чыгып китә, шуннан соң янгын сүндерүчеләрне чакырта.
Янгын нәтиҗәсендә йорт янып бетә. Күршеләр сүзләренә караганда, йорт газга тоташтырылмаган һәм электр белән җылытылган. Янгын мәйданы якынча 100 м² тәшкил иткән.
Зыян күрүчеләр юк. Йорт иминләштерелмәгән.