Питрәч районында яңа торак комплекс төзелә
Беренче ике йорт инде барлыкка килде
Фото: © Люция Сираҗиеева / «Питрәч-информ»
Яңа Шигали авылында яңа торак комплекс төзелә башлады. Масштаблы проект 6 каттан 8 катка кадәр биеклектәге 11 күпфатирлы йортны үз эченә ала. Беренче ике йорт инде барлыкка килде.
Идарәче компания вәкиле Илдар Идиятуллин сүзләренә караганда, торак комплекста инфраструктура каралган: 500 урынлык мәктәп, 320 урынлык ике балалар бакчасы, поликлиника, спорт-сәламәтләндерү комплексы, күпфункцияле үзәк һәм административ бина.
Фото: © Люция Сираҗиеева / «Питрәч-информ»
Проектны 2032 елга кадәр тулысынча гамәлгә ашыру планлаштырыла. Булачак торак комплекс макетын ТР Дәүләт Советы Рәисе Фәрит Мөхәммәтшинга Питрәчтә узган район йомгаклау сессиясендә тәкъдим иттеләр.
Следите за самым важным и интересным в Telegram-каналеТатмедиа