Көек бистәсендә М-7 трассасына чыга торган яңа юл барлыкка киләчәк

Көек бистәсендә М-7 трассасына чыга торган яңа юл ачу мәсьәләсе карала. Бу торак пункттагы логистик вәзгыятьне җиңеләйтергә һәм бөкеләрне киметергә ярдәм итәчәк.

«Көектә бөкеләр зур проблема булып тора. Без Татарстан транспорт министры Фәрит Хәнифов белән бистәдән М-7 трассасына чыга торган тагын бер юл ачу проекты турында фикер алышабыз. Ләкин анда тоташкан урыннар буенча шулай ук катлаулы вәзгыять. Хәзерге вакытта без бу мәсьәләне Киңлекне планлаштыру институты белән карыйбыз. Бу юл якындагы елларда барлыкка килер дип уйлыйм», - дип хәбәр итте Сөләйманов.

Бистә территориясенә ихтыяҗ зур, биредә алга таба да объектлар төзеләчәк, шуңа күрә анда тагын бер транспорт төене кирәк, дип аңлатты Сөләйманов.