Питрәч районында «Милләтләр кроссы-2016” узды
Район үзәгендә иң зур санда катнашучылар җыелды, анда стартка якынча 500 йөгерергә яратучы чыкты.
Старт балалар шәһәрчегендә бирелде, ә финиш наратлыкта стадионда булды.
Дистанция 2,5 километр тәшкил итте.
Кроссның җиңүчеләре Энҗе Гимадиева, Рамис Шәяхметов (9 сыйныфка кадәр), Гөлшат Кашапова, Инсаф Гимадиев (10-11 сыйныфлар) булды - барысы да Шәледән. Хатын-кызлар арасында беренче урынны берьюлы ике катнашучы - Энҗе Фәйзрәхманова (беренче мәктәп) һәм Светлана Гараева (үзәк район хастаханәсе) алды. Ир-атлар арасында беренче булып финишка Айтуган Гарипов (үзәк район хастаханәсе) килде.
Ветераннар арасында беренче урынны Гөлнәзирә Латыпова һәм Мансур Габдулганиев алды.
Следите за самым важным и интересным в Telegram-каналеТатмедиа