Аксакалларны җыйдылар
Халыкара өлкәннәр көненә багышланган ункөнлек дәвам итә.
Район башлыгы Эдуард Дияров район активы, башлангыч ветераннар оешмалары рәисләре белән очрашты. Очрашуга шулай ук райкомның элекке беренче секретаре Сергей Исаев, районның Мактаулы гражданы Шәйхулла Насыйбуллин да чакырылган иде.
Традицион очрашу дустанә үтте. Район аксакаллары тәҗрибә уртаклашты, район җитәкчелегенә әлеге очрашуны оештырганнары өчен рәхмәтләрен әйтте.
Очрашу район мәдәният йорты үзешчән артистлары чыгышы белән төгәлләнде.
Следите за самым важным и интересным в Telegram-каналеТатмедиа