Җәмгыять
Пановка авылында юлларга вак таш җәелде
Гомуми озынлык - якынча 400 метр.
Пановка авылында үзара салым программасы буенча дүрт йөз метр юлга вак таш җәелде. Моңа 3 участок керде - Центральная, 21 урамыннан алып табиблык амбулаториясенә кадәр (226 метр), Тукай, 2 урамыннан алып табиб амбулаториясенә кадәр (100 метр), Тукай урамыннан алып каты көнкүреш калдыклары урынына кадәр (60 метр) юл. Барлык эшләр дә башкарылган диярлек.
Төзекләндерү өчен республика ярдәме белән барлыгы 875 мең сум акча җыелган. Юлларга вак таш җәюдән тыш, мәчет һәм тукталыш павильонына асфальт салынды.
Следите за самым важным и интересным в Telegram-каналеТатмедиа
