Алга
  • Рус Тат
  • Пенсия калькуляторыннан файдалана башлаячакбыз

    2015 ел башыннан Россиядә гражданнарның пенсия хокукын формалаштыру һәм картлык буенча хезмәт пенсиясен билгеләүнең яңа тәртибен кертү күздә тотыла. Алдагы үзгәрешләр турында Питрәч Пенсия фонды җирле идарәсе башлыгы Ләлә Яруллина белән әңгәмә тәкъдим итәбез.

    - Әле күптән түгел генә булып узган селектор матбугат конференциясендә сүз шул турыда барды. Бу чарада Россия Федерациясе Хезмәт һәм социаль яклау министры Максим Топилин һәм Россия Пенсия фонды идарәсе рәисе Антон Дроздов та катнашты. Монда беренче тапкыр "Пенсия калькуляторы" дигән төшенчә дә яңгырады. Бу нәрсә дигәнне аңлата?
    - Яңа эшләнмә картлык буенча фараз ителгән хезмәт пенсиясенең шартлы күләмен исәпләп чыгару өчен кирәк. Ул 2013 ел бәяләреннән гамәлдәге пенсия формуласы һәм бүгенге көндә эшләнеп килүче формула буенча исәпләп чыгарылачак. Пенсия калькуляторы ярдәмендә гамәлдәге кагыйдәләр буенча нинди пенсиягә исәп тотарга мөмкинлеген санарга була.
    Шуны да билгеләп үтәргә кирәк, калькулятор хәзерге пенсионерларның пенсия күләмен исәпләп чыгару өчен түгел. Шулай ук пенсиягә чыгарга өч елдан кимрәк калган гражданнарга, инвалидларга, хезмәткә сәләтсез гражданнарга, туйдыручысын югалткан гражданнарга, хәрби хезмәткәрләргә, көч ведомстволары хезмәткәрләренә, шәхси эшмәкәрләргә, куркыныч һәм сәламәтлек өчен зарарлы эшләрдә эшләүчеләргә кагылмый.
    - Бүген хезмәт пенсиясенең күләме нәрсәгә бәйле?
    - Бүген хезмәт пенсиясе күләме, нигездә, иминият взнослары күләменә бәйле. Аны эш бирүчеләр мәҗбүри пенсия иминияте (ОПС) дәүләт пенсия системасына хезмәткәрләре өчен күчереп бара. Хәзерге гамәлдә булган формула буенча хезмәт стажының пенсия күләменә бернинди дә йогынтысы юк.
    - Яңа формула безгә ниләр әзерли?
    - Россия Федерациясе Хөкүмәте эшләгән яңа формула буенча, пенсиянең күләме һәр елга гомуми иминият стажына һәм хезмәт хакы күләменә бәйле булачак. Эш бирүчеләр аңардан ОПС системасына иминият взнослары түләп бара.
    Әлеге калькуляторны кулланып, һәрбер россияле үзенең тормыш һәм хезмәт юлын планлаштыра ала. Шулай итеп пенсиясенең шартлы күләмен дә исәпләп чыгарачак. Шулай ук хезмәт стажының оптималь дәвамлылыгын билгели, армиядә срочный хезмәт итүнең, бала караган өчен отпускның, пенсия күләменә йогынтысын, 30-35 ел һәм күбрәк гомуми стажның пенсия күләменә тәэсирен белә алачак.
    Калькуляторда кертелүче мәгълүматларны үзгәртергә (туу һәм җенес турындагыдан тыш) һәм яңа формула, шулай ук гамәлдәгесе буенча булачак пенсия күләменең үзгәрүен күрергә мөмкин.
    - Аның белән кайда танышырга мөмкин соң?
    - Пенсия калькуляторы Россия Федерациясе Хезмәт һәм социаль яклау министрлыгының һәм Пенсия фондының web-сайтларында урнаштырылган. Болар: www.rosmintrud.ru, www.pfrf.ru.

    Нравится
    Поделиться:
    Реклама
    Комментарии (0)
    Осталось символов: