Алга (Вперед)
  • Рус Тат
  • Питрәч районында авыл хуҗалыгы техникасын ремонтлау башланды

    Беренчеләрдән булып эшкә «Агролак-К» ҖЧҖдә керештеләр

    Аграрийларның кышын да эшләре тынып тормый. Мастерскойларда эш гөрли. Без Колайдагы  авыл хуҗалыгы предприятиесендә булып кайттык.


    - Авыл хуҗалыгы машиналарын ремонтлау бездә ноябрь уртасында башланды, - дип сөйли хуҗалыкның баш инженеры Александр Калашников. - Тырмаларны ремонтлап бетерәбез диярлек. Безнең хуҗалыкта алар нәкъ 100, шуларның 10нан артыгын гына рәтлисе калды. Аларны көзге кыр эшләре тәмамланганнан соң ук ремонтлый башладык, - дип билгеләп үтте ул.

    Мастерскойда бер бригада эшли - тимерче, эретеп ябыштыручы һәм ике слесарь.

    Шул ук вакытта тракторларны, автомобильләрне ремонтлау белән тракторчылар һәм шоферлар үзләре шөгыльләнә. 6 МТЗ-1221 тракторының 3сенә капиталь ремонт ясалачак, калган 3сен агымдагы ремонт көтә. Хуҗалыкта шулай ук 7 МТЗ-82 тракторы бар, аларны да ремонтлаячаклар.

    - Сыйфатлы ремонт өчен запас частьләр җитәрлек. Шуңа планлаштырылганның барысын да үтәячәкбез, - ди баш инженер. Кышкы саклауга 4 комбайн - икешәр «Полесье» һәм «Нива» куйдылар. Хәзер үзйөрешле «МакДон» чапкычларына капиталь ремонт ясала. Шушы көннәрдә катокларны ремонтлауга керешкәннәр. Алар барлыгы 10. Алар белән бертуган абыйлы-энеле, слесарьлар Руслан һәм Данис Кәримовлар шөгыльләнә.

    - Мин монда дүртенче ел эшлим. Нигездә техника ремонтлыйм. Шулай ук кыр эшләре вакытында механизаторларга булышырга басуларга да чыгабыз, - ди Руслан.

    - Бүген катоклар ремонтлыйбыз, көненә 3-4 данә туры килә. Тузган подшипникларны, валларны һәм башка детальләрне алмаштырабыз. Өлкән хезмәттәшебез, тимерче һәм эретеп ябыштыручы Александр Титов безгә ярдәм итә, - ди ул. Аның кулдашы Данис «АгролакК»га армиядә хезмәт иткәннән соң, ярты ел элек килә.

    - Җәен дә эшсез тормадык. «Нива» машинасында механизаторларга төшке һәм кичке ашлар ташыдык. Запчастьләр алырга да бардык, - дип өстәде ул. Хәзер хуҗалык фермаларында 5 трактор эшли. Алар, нигездә, терлекләрне ашату һәм тирес җыештыру процессына җәлеп ителгән.

    Питрәч хуҗалыкларында бу кышта 208 трактор, 66 ашлык җыю комбайны, 78 чәчкеч ремонтлау планлаштырылган.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: