Ул югары сыйныфларда укытучы булырга карар итә, аңа тарих бик ошый. Ул күбрәк белергә теләгән, шуңа күрә югары белем алырга Үзбәкстанга киткән.
.JPG)
1968 елда Шәле мәктәбен тәмамлаганнан соң, ул Ташкентта педагогия институтының тарих факультетына укырга керә, анда туган апасы яшәгән. Белем алып кайткач тарих укытучысы булып урнаша һәм пенсиягә чыкканчы, 2011 елга кадәр туган мәктәбендә укыта. Ул бу һөнәрне сайларга ярдәм иткән укытучыларын зур ихтирам белән искә ала, алар – Язилә Абдрахимова, Григорий Ильин, Мөхәммәт Садыйков. Әтисе Исмәгыйль Әхмәт улы да мәктәптә эшли, җитештерүгә һәм кырчылыкка өйрәтә, ул бер үк вакытта агроном була.
– Ул елларда 700гә якын бала укыды, соңрак аларның саны 1500гә җитте, дип искә алды Наил Исмәгыль улы. Алтмышынчы елларда нигездә килгән укытучылар эшләде, хәзер коллектив мәктәпне тәмамлаучылардан тора. Минем укучыларым Казанда эшли: Шамил Садыйков – «Татмедиа» АҖ генераль директоры, Лилия Гыйләҗева югары уку йортында укыта, Рәсилә һәм Алмаз Мөхетдиновлар, Минзилә Гайсарова, Илсөя Мөхәммәтгалиева туган мәктәпләрендә эшли, – дип санап үтте ветеран.
Наил Газимов 13 ел (1987 елдан) туган мәктәбен җитәкли, аның җитәкчелегендә мәктәпкә газ кертелә, яңа мәктәп төзелә башлый.
– Туксанынчы еллар минем карьерамда иң катлаулы еллар булды. Бәхеткә, тиздән барысы да җайга салынды, коллектив тупланды, тату яшәдек һәм эшләдек, – диде ул.
Пенсиягә чыкканнан соң 10 ел Шәледә ветераннар советы рәисе булып эшли, авыл советы белән бергә ветераннарга ярдәм итә, аларның проблемаларын хәл итә. Пенсионерлар җирле мәдәният йорты белән бергә “Зөбәрҗәт” фольклор ансамблен оештыралар, район һәм республика чараларында катнашалар.
– Тормышымны яңадан башласам, бернәрсәне дә үзгәртмәс идем, барыбер укытучы һөнәрен сайлар идем. Барысы да балаларны ярату белән аңлатыла. Беркайчан да бернәрсәгә дә үкенмәдем һәм үз язмышымнан зарланмыйм, – дип билгеләп үтте Наил Исмәгыйль улы.
Ул бакчачылык һәм умартачылык белән шөгыльләнергә ярата, Мәктәп китапханәсендә эшләгән хатыны Халисә Хисамовна аңа һәр эштә ярдәм итә. Аларның ике балалары, өч оныклары һәм ике оныкчыклары бар.