Татарстанда иң кирәкле һәм иң күп түләнә торган һөнәрләр билгеле
Бу хакта республиканың Хезмәт, халыкны эш белән тәэмин итү һәм социаль яклау министрлыгы хәбәр итте.
Хәзерге вакытта республикада автомобиль йөртүче, технологик торба үткәргечләрне монтажлаучы, пешекче, газ белән эретеп ябыштыручы, кондуктор кебек эшче һөнәрләргә ихтыяҗ аеруча зур. Югары белемле белгечләр арасында инженерлар һәм табиблар кирәк.
Шулай ук хезмәт базарында шәфкать туташларына, тәрбиячеләргә һәм каравылчыларга ихтыяҗ бар. «Работа в России» сайты мәгълүматлары буенча, төбәктәктә иң күп хезмәт хакы түләнә торган вакансияләр арасында баш инженер (аена 142,5 мең сум), скважиналарны химик эшкәртү операторы (100 мең сум), торба сала торган техника машинисты (90 мең сум) бар. Шунысы игътибарга лаек, директорга (83,6 мең сум) һәм түгәрәк җитәкчесенә (80,8 мең сум) эш бирүчеләр бер үк төрле хезмәт хакы тәкъдим итә.
Следите за самым важным и интересным в Telegram-каналеТатмедиа
