Бер кеше һәлак булды
Узган тәүлектә Питрәч районында ике янгын чыкты. Көек авылында фатирда янгын чыгу нәтиҗәсендә бер ир-ат һәлак булды, «Алмагач» бакчачылык ширкәтендә да ут мунчаны һәм сарайны юк итте.
Көектә күпфатирлы йортның икенче катындагы бер бүлмәле фатирда янгын чыккан. Өемнәрне тикшергәндә 1970 елгы ир-ат гәүдәсе табылган. Беренчел сәбәп — тәмәке тартканда ут белән саксыз эш итү.
Шәле авыл җирлегенең «Алмагач» бакчачылык ширкәтендә янгын бер түбә астындагы мунчаны һәм сарайны юк иткән. Янгынның мәйданы – 32 квадрат метр. Биналар иминиятләштерелгән. Һәлак булучылар һәм зыян күрүчеләр юк, янгынның сәбәбе ачыклана.