Владимир Ленинның 145 еллыгын билгеләп үттеләр

Ленин исеме безнең район белән тыгыз бәйләнгән. Аны Кокушкино авылына бабасы утарына сөргенгә сөрәләр. Бүгенге көндә бу авыл Ленино-Кокушкино исемен йөртә.

Ел саен Ульянов бюсты янына питрәчлеләр җыела, биредә тарихи шәхеснең туган көненә багышланган митинг үткәрелә. Бөек революционерның безнең якларда узган тормыш юлы искә алына.

Традиция буенча биредә укучыларны тантаналы рәвештә Татарстан варислары сафына кабул иттеләр.

Митингтан соң Владимир Ульянов-Ленин һәйкәленә чәчәкләр салдылар. Соңыннан район мәктәпләре арасында Ленин спорт эстафетасы үткәрелде.