Татарстанда кинотеатрларны ачу планлаштырылмаган

Татарстанда әлегә биналарда кинотеатрлар ачарга планлаштырылмый. Бу хакта «Татар-информ» мәгълүмат агентлыгында узган матбугат конференциясендә Роспотребнадзорның Татарстан буенча идарәсе җитәкчесе урынбасары Любовь Авдонина сөйләде.

«Бүген без икенче этапта торабыз, һәм биналарда кинотеатрлар ачу турында сүз бармый. Алар әлегә ябык», — диде Авдонина.

Татарстанда өченче этапка күчү йоктырылган Covid-19 таралу коэффициенты күрсәткече 0,5 процентка җиткәч булачак. Бүгенге көнгә Татарстан Республикасында ул 100 мең кешегә 0,8-0,9 процент тәшкил итә.

Искәртәбез, 15 июльдән Татарстанда сәүдә үзәкләре һәм җәмәгать туклануы объектлары эшен яңадан башлап җибәрде.