Яңа сәхнәдә җырларбыз да, биербез дә...
Күптән түгел Татарстан Республикасы Хөкүмәте "Авыл клублары" программасын кабул иткән иде. Аның мксаты - республика авылларында яңа мәдәният учаклары төзү күздә карала. Программа безнең районга да кагылды. Мәсәлән, Кибәч авылында мәдәният йорты төзелеп килә. Ул 500 квадрат метр мәйданны билиячәк, 300 тамашачы урынына исәпләнгән.
Киләсе елда Богородск авыл җирлегендә төзү планлаштырыла.
2011 ел ахырында Татарстан Республикасы Министрлар Кабинеты "Авыл клублары" программасын тормышка ашыру кысаларында муниципаль берәмлекләр торак пунктларында мәдәният билгеләнеше объектлары төзү өчен 500 миллион сум бүлеп бирде. Төп инвестиция - төзелеш идарәсе әлеге программа буенча булып дәүләт заказчысы булып тора. Әлеге программа нигезендә 46 торак пунктта мәдәният яки күп функция башкаручы үзәкләр төзеләчәк. Хәзерге вакытта һәркайсында төзелеш эшләре башланган.
Һәм менә күптән көтелгән мизгел җитә. Кибәч авылында гап-гади өйләр янында булачак мәдәният йортының кирпеч бинасы калка башлады. Кибәчлеләр алар авылында кайчандыр Мельпоменаның яңа храмы төзелер дип уйламаулары турында әйтә. Бу авылда дистә еллар дәвамында барлык мәдәни һәм җәмәгать чаралары агач бинада уза. Анда шартлар бик аз: сәхнә, тамаша залы һәм кинобудка. Совет чорында анда фильмнар күрсәткәннәр, шимбә яшьләр бию оештырган. Гадәти эш көннәрендә кибәчлеләр домино яки бильярд уйнаган. Кечесе дә, олысы да яңа, заманча бина турында хыяллана гына. Менә, ахыр килеп, хыяллары тормышка аша.
Авыл җирлегендә яшәүче Анна Тимофеева телевидение хезмәтикәрләрен күргәч, сөенеченнән яраткан җырын җырлап җибәрде. Ул яшь чагында иске мәдәният йорты сәхнәсендә җырлап йөргән булган.
- Авылыбызда яшьләр азрак, бар да район үзәгенә, шәһәргә яшәргә китте. Авылда карт-коры гына торып калды диярлек. Үзебез булсак та карт сөякләрне селкетеп алырбыз яңа сәхнәдә, - ди елмаеп пенсионер апа.
Бүген Кибәч авыл җирлегендә 300дән артык кеше яши. Авыл мәдәният йортында да шулкадәр урын саны булачак.
- Бездә ике проект бар иде. Берсе - 150 урынга, икенчесе 300 урынга исәпләнгән. Без икенче вариантны сайларга ниятләдек. Билгеле, ул гади генә проект түгел. Түбә өчен махсус такталарны да шактый озак эзләргә туры килде, - дип сөйли төзелеш җитәкчесе Ленар Григорьев. - Бөтен эшләр график буенча алып барыла, шуңа да объектның вакытында тапшырылачагында шик юк, - ди ул.
Шунысын да искәртеп үтү кирәктер, авыл мәдәният йортын төзүчеләр майда торгыза башлады, сентябрь башларына өлгертергә дә планлаштырып торалар.
