Алга
  • Рус Тат
  • Үзләрен дә күрсәттеләр, башкаларны да күрделәр

    Кукмарада узган "Ел хатын-кызы. Ел ир-аты: хатын-кыз карашы" республика бәйгесенең зона турында Питрәч номинантлары барлык призлы урыннарны яулап кайтты.

    Ә аңарчы бәйгедә катнашу өчен кандидатларны үзебезнең районда энә күзеннән үткәрделәр, иләктән иләделәр.
    Монда аларның социаль-иҗтимагый активлыклары, гаиләдә дә, эштә дә шәхси үрнәкләре, кыскасы, барлык сыйфатлары тикшерелде. Һәм, нәтиҗәдә, оештыру комитеты зона турына 6 кешене үткәрде. Бик зур, киеренке, күпкырлы әзерлектән соң, ниһаять, номинантлар Кукмарага юл алды. Алар белән бергә хуплау төркемнәре, җанатарлар да барды. Шулай итеп 67 кеше 3 автобуска төялеп, белгән догаларын укып, юлга кузгалды. Аларны, таң тишегеннән тәмле йокысын кызганмыйча, район мәдәният йортына төшеп җиткән район башкарма комитеты җитәкчесе урынбасары Валентина Урысова хәерле юллар, уңыш теләп озатып калды. Һәм менә 135 километр араны ике сәгать ярымлап үткәннән соң, ике район Теләче һәм Саба чикләрен узып, җырларда макталган Кукмарага исән-сау килеп тә җиттек.
    Минем бу төбәктә бер дә булганым юк иде әле. Шәһәр тибындагы поселок, иң элек, зурлыгы, нык, таза, матур йортлары белән сокландырса, икенче яктан социаль һәм мәдәни, сәүдә, административ структураларның үзәктә, төп юлда бик уңайлы урнашуы сөендерде. Теләгән бер учреждение, оешманы азапланып эзләп, соранып йөрисе юк, алар күз алдында. Әнә, мәһабәт мәдәният йортлары да юл өстендә генә. Бик уңайлы, затлы итеп эшләнгән мәдәният учаклары: иркен фойелар, зиннәтле тамаша залы, зур бәйрәмчә бизәлгән сәхнә һәм дә хуҗаларның елмаеп, якты йөз белән каршы алулары, билгеле, кәефне күтәрә. Һәр район делегациясе өчен аерым киенү-чишенү урыннары да билгеләп куелган иде. Безнең район делегациясенә бигрәк уңайлы җирдән биргәннәр - ишектән килеп тә керәсең, "Питрәч" дип язып куелган бүлмәгә кереп тә китәсең.
    Шунысын әйтеп үтәргә кирәк, зона турына 8 район - Питрәч, Лаеш, Теләче, Арча, Әтнә, Балтач, Саба, Кукмарадан 40 номинант көч сынашырга килгән. Күргәнегезчә, бик көчле районнардан вәкилләр җыелган. Алар 10 номинациядә 7 шәр минут чыгыш ясады. Шул кыска вакытка сыешып, бөтен эшчәнлекләр күрсәтү таләп ителә иде. Безнекеләр 6 номинациядә катнашты һәм искиткеч уңышларга ирештеләр. 1 нче, 2 нче, 3 нче урыннарны яулап алдылар!
    Быел өр-яңа номинация кертелгән. Ул "Хатын-кыз - галим" номинациясе. Анда Шәледән Язилә Абдрәхимова катнашты. Бу олы шәхесне безнең төбәктә генә түгел, республикада да беләләр. Бөтен гомерен балаларга белем бирүгә багышлаган, татар теленнән уку-укыту методикасы буенча күпсанлы китаплар, әдәби әсәрләр авторы, Шәле башлангыч ветераннар рәисе ул! Аңа бәйге Дипломы һәм Кукмара символы - сувенир чиккән киез итек тапшырылды (бу киез итекләр Казанда узачак Универсиадага да күп итеп әзерләнә икән).
    3 нче урынга 3 номинант лаек булды. "Өлкән яшьтәге ел хатын-кызы" номинациясендә - Фәния Мингалиева. Ул - туган якны өйрәнү музее методисты, Питрәч якташлар җәмгыяте секретаре, "Җәүһәр" татар халык ансамбле җитәкчесе.
    Хатын-кыз - ана" номинациясендә - Рушана Шеваловская. Ул тәрбиягә 6 бала алган олы йөрәкле хатын-кыз.
    "Ир-ат - лидер" номинациясендә - Илдар Кадриев. Ул озак еллар район үзәге мәдәният йорты директорры булып эшли. Әле яңа гына 60 яшьлек юбилеен билгеләп үтте.
    2 нче урында "Минем һөнәр - минем язмыш" номинациясендә катнашучы Гөлфия Фәйзрахманова. Ул "Ак барс-Питрәч" оешмасының 4 нче бүлекчәсе машина белән саву операторы.
    Һәм, ниһаять, "Хатын-кыз - мәдәният һәм рухият" номинациясендә 1 нче урын яулаган Анжелика Горностаева. Ул - балалар сәнгать мәктәбендә балаларга өстәмә белем бирү укытучысы. Аның көчле, аһәңле тавышы залда утыручы жюрины да, тамашачыны да таң калдырды. Анжелика җырлавын бик көчле алкышладылар. Ә ул өйрәткән балалар сәхнә "тотты". Алар, әйтерсең, шунда туган, шунда үскән. Шулкадәр оста чыгыш ясадылар. Билгеле, башка районнар да бик көчле көндәшләр иде. Мәсәлән, Әтнә районыннан балалар хореография төркеме чыгышын тамашачылар исләре китеп карап утырды. Укытучылары алардан чын артист-биюче ясаган. Әйе, Татарстаныбызда талантлар, үрнәк алырлык, мактап сөйләрлек кешеләребез күп.
    Шулар арасында Питрәч районы номинантлары да үзләрен күрсәтеп кайтты. Серне чишим әле, мәдәният бүлеге башлыгы Зөбәйдә Саттарова бәйгедә катнашкан номинантларның һәммәсе дә җөмһүриятебез Президенты белән очрашуга барачагын әйтте.
    Зона туры Кукмарада узачагын белгәч, уйнап кына "Бөтенебезгә киез итек бирерләр" дигән идем. Чыннан да шулай булды бит. Бөтен номинантларга чыгышларыннан соң Диплом белән бергә бүләк итеп кечкенә сувенир киез итек тапшырдылар.
    Рәсемнәрдә: бәйге номинанты Фәния Мингалиева "Җәүһәр" белән чыгыш ясый (уңнан бишенче);
    1 нче урын алган Анжелика Горностаева; балалар бии.

    Нравится
    Поделиться:
    Реклама
    Комментарии (0)
    • 25 май 2018 - 10:54
      ШИГЪРИ ТӘЛГӘШЛӘР Наилә САФИНА Шәле
      45
      0
      0
    • 25 май 2018 - 10:48
      Каникуллар күңелле генә түгел, файдалы да үтәчәк Уку елы тәмамлануын белдергән соңгы кыңгырау чыңлау белән укучыларның әти-әниләрендә каникуллар вакытында балаларны ни белән кызыксындырырга дигән сорау туа. Традицион рәвештә, бу сорауга җавап итеп питрәчлеләргә берничә вариант тәкъдим иттеләр. Безнең районда балалар ялын оештыру мәсьәләсенә бик җаваплы карыйлар, шуңа күрә аны гамәлгә ашыруда күп кенә оешмалар катнаша.
      42
      0
      0
    • 25 май 2018 - 10:45
      Керәшеннәр Тройсынга әзерләнә Җәй башы – ул сабантуйлар чоры. Безнең райондагы керәшен авылларында бу бәйрәм Тройсын буларак билгеләп үтелә.
      50
      0
      0
    • 25 май 2018 - 10:41
      Алга таба да иҗат итүегезне дәвам итегез Мәктәпне тәмамлау – бу һәрвакытта да тормышның яңа этабы башлануын белдерә, әмма кемдер өчен бу үткән юлларга әйләнеп карау, авырлыкларны җиңеп, ирешелгән уңышларны барлау да. Быел сәнгать мәктәбен тәмамлаучы балалар бу турыда күп сөйли ала. Чөнки аларның һәр җиңүендә, һәр бүләгендә – айлар, атналар, сәгатьләр буенча сузылган хезмәт ята.
      43
      0
      0
    • 25 май 2018 - 10:35
      Балачак белән хушлашыр вакыт җиткән Бу көнне мәктәп укучылары зур түземсезлек белән көтеп ала, әмма бу көнне һәркемнең күңелен моңсу хисләр биләп ала. Безнең районның 17 мәктәбендә соңгы кыңгырау чыңлады. Аерылу һәрвакытта да моңсу, күңелсез. Шулай да мәктәпне тәмамлаучыларга озак моңсуланырга туры килми, аларны алда имтиханнар, кызыклы олы тормыш көтә.
      40
      0
      0
    • 23 май 2018 - 15:29
      ХЕЗМӘТЕН ХӨРМӘТЛӘП Татарстан Республикасы Питрәч районы башлыгының коррупциягә каршы көрәш мәсьәләләре буенча ярдәмчесе
      17
      0
      0
    • 23 май 2018 - 14:41
      Ленино-Кокушкинода нинди кызыклы вакыйгалар бар? Ленино-Кокушкино авылында район җитәкчелегенең күчмә эшлекле киңәшмәсе булып узды. Киңәшмәдә катнашучылар һәм район башлыгы Илһам Кашапов төзелүче объектлар, проблемалы участоклар янында булдылар һәм борчулы мәсьәләләр турында фикер алыштылар.
      47
      0
      0
    • 23 май 2018 - 10:52
      Игътибар: фотоконкурс! Декоратив һәм бүлмә гөлләре, клумбалар һәм чәчәк куаклары - ел саен йөзләгән мең гөл матур чәчәк ата. Бу мизгелне игътибарсыз калдырып була мени соң?!
      40
      0
      0
    • 22 май 2018 - 14:47
      Эшебез белән дә, сүзебез белән дә ярдәм итә алабыз Без инде укучыларыбызга Колай авылында яшәүче Кириллова Лиза турында сөйләгән идек. Кызганыч, кечкенә кызның язмышы җиңел түгел. Дүрт ел эчендә аңа күп нәрсәләр кичерергә туры килә.
      73
      0
      0
    • 22 май 2018 - 13:54
      Питрәчнең яшь "йолдызчыгы" ТНВда булды Анда ул "Җырлыйк әле!" телевизион конкурс жюриларын таң калдырды.
      40
      0
      0
    • 18 май 2018 - 11:39
      Приют адым саен үзгәрә Питрәч "Шатлык" социаль приюты яңаруын дәвам итә. Шушы көннәрдә анда кабат балаларның шат авазы яңгырады. Ике айдан соң, ремонтланган азык блогын бәяләр өчен, тәрбияләнүчеләр приютка әйләнеп кайттылар.
      71
      0
      0
    • 18 май 2018 - 08:58
      КЫСКА ХӘБӘРЛӘР КАЗАНДА республика олимпиадаларында җиңүчеләрне, Бөтенроссия мәктәп укучыларының предмет олимпиадаларында җиңүчеләр, призерлар һәм аларны әзерләгән укытучыларын хөрмәтләү тантанасы үтте. Анда район үзәгенең икенче мәктәбе укытучысы Лидия Александрованы һәм укучы Айгөл Әхмәтшинаны бүләкләделәр.
      76
      0
      0
    • 17 май 2018 - 14:58
      Эдуард Дияров Татарстан җир һәм милек мөнәсәбәтләре министры урынбасары итеп билгеләнде Быелның гыйнварында Эдуард Дияров Татарстанның Питрәч районы башлыгы вазифасыннан китте.
      67
      0
      0
    • 25 май 2018 - 14:35
      "Акчарлак" лагерендә яңа корпус төзелде
    • 25 май 2018 - 14:34
      “Каенкай” балалар бакчасында “Чәчәк утырт” экологик акциясе үтте
    • Ленино-Кокушкино музей-тыюлыгында яшь скрипкачылар ансамбле аккомпанементы һәм музыка астында өмә узды
    • Питрәч районында Бөек Җиңүнең 73 еллыгына багышланган парад үтте
    • Питрәчтә “Олы көн бүләге” фестивале булып узды
    • 25 май 2018 - 10:39
      Чәчү алдынгылары үз позицияләрен бирми
      Питрәч аграрийларына чәчү кампаниясе планына билгеләнгән мәйданның 7450 гектарында чәчү эшләре башкарасы калды. Авыл хуҗалыгы һәм азык-төлек идарәсе мәгълүматлары буенча, бүгенге көндә сабан культуралары пландагы 39088 гектарның 31638 гектарында чәчелгән. Чәчү комплекслары һәм чәчкечләр иртә таңнан караңгы кичкә кадәр эшли. Механизаторларның мондый тырыш хезмәте нәтиҗәсендә районда язгы чәчү тәмамланып килә инде.
      34
      0
      0
    • 25 май 2018 - 10:45
      Керәшеннәр Тройсынга әзерләнә Җәй башы – ул сабантуйлар чоры. Безнең райондагы керәшен авылларында бу бәйрәм Тройсын буларак билгеләп үтелә.
      50
      0
      0
    • 25 май 2018 - 10:54
      ШИГЪРИ ТӘЛГӘШЛӘР Наилә САФИНА Шәле
      45
      0
      0
    • 25 май 2018 - 10:41
      Алга таба да иҗат итүегезне дәвам итегез Мәктәпне тәмамлау – бу һәрвакытта да тормышның яңа этабы башлануын белдерә, әмма кемдер өчен бу үткән юлларга әйләнеп карау, авырлыкларны җиңеп, ирешелгән уңышларны барлау да. Быел сәнгать мәктәбен тәмамлаучы балалар бу турыда күп сөйли ала. Чөнки аларның һәр җиңүендә, һәр бүләгендә – айлар, атналар, сәгатьләр буенча сузылган хезмәт ята.
      43
      0
      0
    • 25 май 2018 - 10:48
      Каникуллар күңелле генә түгел, файдалы да үтәчәк Уку елы тәмамлануын белдергән соңгы кыңгырау чыңлау белән укучыларның әти-әниләрендә каникуллар вакытында балаларны ни белән кызыксындырырга дигән сорау туа. Традицион рәвештә, бу сорауга җавап итеп питрәчлеләргә берничә вариант тәкъдим иттеләр. Безнең районда балалар ялын оештыру мәсьәләсенә бик җаваплы карыйлар, шуңа күрә аны гамәлгә ашыруда күп кенә оешмалар катнаша.
      42
      0
      0
    • 25 май 2018 - 10:35
      Балачак белән хушлашыр вакыт җиткән Бу көнне мәктәп укучылары зур түземсезлек белән көтеп ала, әмма бу көнне һәркемнең күңелен моңсу хисләр биләп ала. Безнең районның 17 мәктәбендә соңгы кыңгырау чыңлады. Аерылу һәрвакытта да моңсу, күңелсез. Шулай да мәктәпне тәмамлаучыларга озак моңсуланырга туры килми, аларны алда имтиханнар, кызыклы олы тормыш көтә.
      40
      0
      0
    • 25 май 2018 - 10:39
      Чәчү алдынгылары үз позицияләрен бирми Питрәч аграрийларына чәчү кампаниясе планына билгеләнгән мәйданның 7450 гектарында чәчү эшләре башкарасы калды. Авыл хуҗалыгы һәм азык-төлек идарәсе мәгълүматлары буенча, бүгенге көндә сабан культуралары пландагы 39088 гектарның 31638 гектарында чәчелгән. Чәчү комплекслары һәм чәчкечләр иртә таңнан караңгы кичкә кадәр эшли. Механизаторларның мондый тырыш хезмәте нәтиҗәсендә районда язгы чәчү тәмамланып килә инде.
      34
      0
      0
    Ночной режим