Имтиханнар һәм сессиягә әзерләнү кагыйдәләре турында
Бу хакта клиник психолог Жанна Хафизова «Вести Татарстан» программасына биргән интервьюсында сөйләде.
Студентларга сессия һәм имтиханнарны тапшырганда курку һәм стрессны киметергә ярдәм итә торган берничә кагыйдә бар.
Укудан ял итәргә һәм имтихан алдыннан үзеңә чамадан артык эш йөкләмәскә кирәк. Бу баш мие эшенә уңай йогынты ясый.
Имтиханга әзерләнгәндә тәнәфес ясау мәгълүматны истә калдыруны яхшыртырга ярдәм итә. Саф һавада йөрү, рәсем ясау яки медитация баш миенә мәгълүматларны эшкәртергә вакыт бирәчәк.
Моннан тыш, уку йөкләнешен бүлгәндә тигезлекне саклау мөһим. Әйтик, алдан әзерләнә башлау стресстан котылырга ярдәм итә. Имтиханга иң катлаулы биремнәрдән әзерләнә башларга кирәк. Шул рәвешле, ахырдан иң җиңелләре калачак.
Белгеч борчылучан кешеләргә имтиханнарның бары тик тормышның бер өлеше һәм кешегә тагын да көчлерәк булырга булыша торган тәҗрибә генә булуын аңларга киңәш итә. Җаваплылык йөген көчәйтеп, үзеңне башкалар белән чагыштырырга кирәкми.
Башны ял иттерү өчен, студентлар сулыш күнекмәләре ясый, объектларны сурәтләү методикаларын һәм релаксациянең башка техникаларын куллана ала. Шулай ук үз эчеңә бикләнергә түгел, ә хисләрең белән бүлешергә кирәк.
Следите за самым важным и интересным в Telegram-каналеТатмедиа
