Бу хакта Бөтендөнья татар конгрессы матбугат хезмәте хәбәр итә.
Интернетта кешенең татар телендә сүз байлыгын бәяләүче «Сүз байлыгы» дип аталган бушлай тест барлыкка килде.
Әлеге тест сүз байлыгын үлчи. Озынлыгы — 3 минут. Ахырдан нәтиҗәне башкаларныкы белән чагыштырып була.
Әлеге тестны әзерләүче Илдар Әюпов үзе сөйләгәнчә, проектның максаты – конкрет кешенең татар телен белү дәрәҗәсенә объектив бәя бирү, шулай ук тулаем татар телен популярлаштыру.