Көектәге яңа мәктәптә педагоглар мөмкинлекләре чикләнгән балаларны йөзәргә өйрәтәләр

Көек авылындагы «Алгоритм» технологик лицеенда әлеге мәктәптә укучы ДЦП белән авыручы балалар өчен йөзү буенча дәресләр оештырылды. Питрәч районы башлыгы Илһам Кашаповка шундый йөкләмә бирелде. 

Бүгенге көндә дәресләргә 2, 5 һәм 6 сыйныфлардан өч укучы йөри.

Укучылар бассейнга белем бирү программасы кысаларында йөриләр. Моның өчен барлык шартлар да, тиешле җиһазлар да бар. Инвалид балалар белән дәресләрне педагог Виталий Иванов үткәрә, башкалар балалар белән Алмаз Айзатуллов шөгыльләнә. Укучылар дәресләрдән бик канәгать. Ата-аналардан һәм балалардан фикерләр уңай гына», - диделәр район матбугат хезмәтендә. 

Безнең лицейга сокланам. Балаларга шулкадәр игелек һәм шатлык бүләк итәсез. Сезнең алда баш иябез", "Хезмәтегез өчен рәхмәт. Ә Виталий Николаевичка баш иябез, ул чын тренер", — дип рәхмәтләрен белдерә ата-аналар.

Питрәчтә шулай ук башкарма комитет карары буенча «Сула» бассейнында бушлай шөгыльләнү оештырылды. Мөмкинлекләре чикләнгән балалар, шулай ук дүрт һәм аннан да күбрәк балалы гаиләләр пәнҗешәмбе көнне 15.00 сәгатьтән 16.00 сәгатькә кадәр бассейнга бушлай йөри алалар.