Ленино-Кокушкинода 50гә якын укучы портфельләр алды

Ленино-Кокушкино авылында «Мәктәпкә җыенырга ярдәм ит» хәйрия акциясе узды.

Анда өч белем бирү учреждениесеннән балалар һәм аларның ата-аналары катнашты. Ленино-Кокушкино мәктәбеннән 23 беренче сыйныф укучысы һәм мобилизацияләнгән гражданнарның 9 баласы, Пановка авылыннан 4 беренче сыйныф укучысы һәм 2 бала, шулай ук Надеждино авылыннан 6 беренче сыйныф укучысы һәм 3 бала канцелярия товарлары белән портфельләр алды.  

Акция Россия флагы көнендә узды, бу бәйрәм хөрмәтенә Яшь армиячеләр Ватанга мәхәббәт һәм патриотизм турында шигырьләр белән чыгыш ясады.