Питрәч укучылары район башлыгыннан Рәхмәт хатлары алдылар

Укуга намуслы мөнәсәбәте һәм республика олимпиадасында югары нәтиҗәләр күрсәткәннәре өчен Питрәч районы башлыгының Рәхмәт хатын Питрәчнең икенче мәктәбеннән Ангелина Егоровага һәм Зилә Гомәровага, Ленино-Кокушкино мәктәбеннән Розалина Абрамовага һәм Кәрим Гыйзетдиновка, Богородск мәктәбеннән Диана Ивановага тапшырдылар.

«Яшь армия» хәрәкәтенең район, республика конкурсларында һәм чараларында актив катнашкан өчен Колай мәктәбеннән Адель Мөхәммәтҗановны бүләкләделәр.

Сәнгатьне үстерүгә керткән шәхси өлешләре һәм районның мәдәни тормышында актив катнашулары өчен Колай мәктәбеннән Аделина Гыйльфанова, Валерия Корнеева, Лиана Жукова, Пановкадан Анжелика Воробьева, Татар Тау Иленнән Аделина Хәйреева, Ленино-Кокушкино мәктәбеннән Аделина Мортазина бүләкләнде.

Армреслинг буенча республика ярышларында югары спорт нәтиҗәләре өчен Ленино-Кокушкино мәктәбеннән Анна Блаченованы; көрәш, чаңгы ярышлары, ГТО буенча Ленино-Кокушкино мәктәбеннән - Азат Галиәхмәтовны; районара һәм республика көрәш ярышлары буенча Шале мәктәбеннән Илназ Сираевны, тхэквондо буенчаИске Шигали мәктәбеннән Алсу Юрсаеваны билгеләп үттеләр.

Ленино-Кокушкино мәктәбеннән Ләйсән Нурисламова республика һәм халыкара конкурсларда һәм фестивальләрдә ирешкән иҗади уңышлары өчен бүләкләнде.