Питрәч укучылары куйган максатларына ирешәләр

Агымдагы уку елында олимпиаданың район турында 200дән артык укучы катнашты, шуларның 100дән артыгы призерлар һәм җиңүчеләр булды. 50гә якын укучы олимпиадаларның республика һәм бөтенроссия этапларында катнашачак. Алар арасында Денис Харитонов, Гадел Хисмәтуллин, Зилә Гомәрова, Ангелина Егорова, Альберт Фәхретдинов, Наил Хөсәенов, Эмилия Фәйзрахманова, Камилла Хәсәнова, Диләрә Мостафина, Фирүзә Мәрхәбина һәм башкалар бар. Бүгенге көндә әлеге мәктәптән 20 укучы катнашты.

Харитонов Денис 11 сыйныф укучысы. Ул уку отличнигы гына түгел. Денис киңкырлы һәм тирән фикерләү сәләтенә ия булуы белән аерылып тора, аның логик фикерләве зур үсеш алган. Ул үз алдына максатлар куя һәм нәтиҗәләргә ышанычлы бара торган кеше. Физика белән күптәннән 
шөгыльләнә. Ә олимпиада хәрәкәтенә җиденче сыйныфтан ук кушылган. Шул вакыттан бирле дүрт тапкыр физика һәм астрономия буенча муниципаль этапта җиңде. Узган ел физика буенча «Олимпка юл» республика олимпиадасында призер булды. Быел Денис физика буенча ике тапкыр призер булды - «Олимпка юл» республика этабында һәм Бөтенроссия мәктәп укучылары олимпиадасының региональ этабында.

 Денис - уйлап табучы, программист, физик-гений дәрәҗәсендә, - ди аның турында директорның укыту-тәрбия эшләре буенча урынбасары Лариса Иванова, - һәм, минемчә, алда аны зур киләчәк көтә.

Олимпиадаларның тагын бер йолдызы - 9 нчы сыйныф укучысы Адель Хисмәтуллин. Уку отличнигы. Ел саен ул муниципаль дәрәҗәдәге олимпиадада югары баллар җыя. Аның исәбендә математика буенча «Олимпка юл» олимпиадасында җиңү. Һәм, әлбәттә, быелгысы! Адель математика буенча Бөтенроссия мәктәп укучылары олимпиадасының региональ этабында призер булды. Адель сәләтле, һәрвакыт математика, информатика белән кызыксына. Логик мәсьәләләрне 
оста чишә. «Питон» программалаштыру телен мөстәкыйль өйрәнгән һәм Россия дәрәҗәсендәге программалаштыру буенча дистанцион конкурста 1 нче урын алды.

Олимпиадалар дәвам итә. Без әле күп укучыларга зур өметләр баглыйбыз, - дип билгеләп үтте Лариса Васильевна. - Узган уку елында республика этабында 9 призер булды, аларның берничәсе мәктәпне тәмамлады инде. Әмма, быел яңа йолдызчыклар кабыныр, дип өметләнәбез.

Богородск мәктәбенең унынчы сыйныф укучысы Диана Иванова олимпиададан җиңү белән кайтты. Ул химия буенча «Олимпка юл» республика мәктәп укучылары олимпиадасы призеры булды. Фән нечкәлекләренә төшенергә кызга химия укытучысы Розалия Абдулкабировна Зарипова булыша.
Сүз уңаеннан, Диана район олимпиадаларында берничә тапкыр җиңү яулады. Шуңа күрә аның быел мондый югары нәтиҗәләргә ирешәчәгенә өмет зур иде.

Диана бик яхшы укучы, ул бик җаваплы, - ди аның турында мәктәп директоры Галина Анатольевна Тимофеева. – Моннан тыш, ул әле мәктәпнең иҗтимагый тормышында, барлык чараларда да актив катнаша. Ул югары сыйныф укучылары оешмасы президенты, КВНда уйный. Ул күп вакытын укуга багышлый. Диана киләчәктә медицина институтына укырга керергә планлаштыра, шуңа күрә максатчан рәвештә әзерләнә, чөнки бу фән аның булачак һөнәрендә иң мөһимнәреннән берсе. Әлбәттә, без аның өчен бик шатландык. Гомумән, мәктәп директоры билгеләп үткәнчә, Диана дуслары өчен ышанычлы дус, алар аның бик күп, аралашучан кыз, ул мәктәпнең горурлыгы.

Сүз уңаеннан, быелгы уку елында 380нән артык бала белем алган Богородск мәктәбе укучыларының гомуми саныннан ике йөздән артык бала мәктәп олимпиадаларында катнашкан, аларның утызы район турына узган.