Россиядә максатчан укуга гариза бирү өчен югары уку йортлары саны чикләнде
Россия Президенты Владимир Путин имзалаган закон 1 майдан гамәлгә керде.
Максатчан кабул итү квотасы кысаларында югары уку йортларына укырга керергә планлаштырган абитуриентлар бары тик бер оешмага һәм бер белем бирү программасына гына гариза бирә алачак. Бу хакта ТАСС искәртә.
Элек абитуриентларга шундый биш гариза бирергә рөхсәт ителә иде. Әмма нәтиҗәдә биштән бер генә урын сайлап алыну сәбәпле, югары уку йортлары кайчакта максатчан уку буенча планны үти алмады, чөнки урыннар буш калды.
Моннан тыш, документ максатчан уку заказчыларын «Работа в России» платформасында үз тәкъдимнәрен бастыруны таләп итә. Шул рәвешле, килешүне имзалауга дәгъвачылар уку вакытында мөмкин булган ярдәм чараларын, социаль гарантияләрне, түләүләрне һәм булачак эш бирүченең үзен бәяли алачак.
Әгәр килешү закон үз көченә кергәнче төзелгән булса, аңа үзгәрешләр кагылмый.
Следите за самым важным и интересным в Telegram-каналеТатмедиа
