Мәгариф
Россиядә 43 һөнәр буенча көллият һәм техникумнарга кабул итү туктатыла
Соңгы ике елда әзерлек программалары исемлегеннән үз актуальлеген югалткан йөзгә якын һөнәр һәм белгечлекне төшереп калдырганнар.
43 һөнәр буенча көллият һәм техникумнарга кабул итүне туктату компетенцияләрне башка әзерлек программалары буенча яңадан бүлүне күздә тота. Бу хакта ТАСС агентлыгы Россия Мәгариф министрлыгының матбугат хезмәтенә сылтама белән хәбәр итә.
Аерым алганда, илдә реклама агенты, банк контролеры, авыруларны каручы кече медицина шәфкать туташы, суднода аш пешерүче, чәчтараш, судно бортпроводнигы, бәйләү-тегү җиһазы операторы, чигүче һәм шәһәр электр транспортын йөртүче кебек белгечлекләргә өйрәтүне туктатырга ниятлиләр.
Следите за самым важным и интересным в Telegram-каналеТатмедиа
