Чара якшәмбе көнне, 12 февральдә узачак
Шәле авылының үзәк мәчете балалар катнашында «Чаңгы ярышлары-2023» үткәрәчәк.
Ярышларны 4-6 нчы сыйныф кызлары һәм малайлары ачачак, алар 1 километрда йөгерәчәк. Ә 2 км дистанцияне 7-8 сыйныф укучылары узачак.
- Ярышларның максаты - кышкы спорт төрләрен һәм балалар арасында сәламәт яшәү рәвешен популярлаштыру, - дип сөйләде мәчет имамы Тимур Латыйпов.
Чаңгы ярышлары тәмамлангач, мәчеттә бүләкләү тантанасы һәм чәй эчү узачак. Җиңүчеләрне грамоталар, медальләр һәм истәлекле бүләкләр көтә.
Ярышлар 9.30 сәгатьтә башлана.