“Питрәч-Арена”: беренче адымнар
Боз сарае яшьләр һәм урта яшьтәгеләр арасында иң яратып йөри торган урынга әйләнде.
Ачылды гына. Питрәч халкы өерелеп шунда чапты. Кайсы баласын хоккей секциясенә яздырды, кемдер көзге көннәрдә тимераякта шуа. Бу әле башы гына, якын киләчәктә башка спорт төрләреннән дә күнегүләр башланачак.
Кыскасы, "Питрәч-Арена"ның популярлыгы арта. Шәһәр сарайларыннан бер дә ким түгел.
Яхшы реклама кирәк
Беренчедән. Квадрат зәңгәр бина янәшә объектларыннан нык аерылып тора. Ул сәламәт яшәүнең күз алдындагы үрнәге. (Туксанынчы елларда шушындый спорт объектлары булса, яшьләр урамда нишләргә белми аптырап йөрмәс иде). Бүген яшьләрнең күбесе вакытын биредә үткәрә.
Бу бик яхшы
Икенчедән. Районда шушындый объект торгызулары бик сөендерә. Мондый зур спорт корылмасын район хакимияте ничек тотар? Боз сарае директоры Ирек Санатуллин бер айга коммуналь түләүләрнең гомуми суммасы чама белән биш йөз мең сумга якын. Исәп-хисап ясар өчен чыгымнарның бер өлеше район бюджетыннан, бер өлеше республика казнасыннан киләчәк. "Бүген төп бурыч - шәһәр хоккей командаларын җәлеп итү. Без берничә реклам матчлары уздырырга ниятлибез. Игътибарны җәлеп итәргә кирәк бит, - ди Боз сарае хуҗасы. Шулай итеп, үзләренә акча эшләргә һәм чыгымнарны капларга кирәк булачак.
Боз бәһасе
Бүген хоккей секциясе 7 яшь төркемен колачлый. Бу: ир-атлар, яшьләр һәм тимераякта йөрергә өйрәнүчеләр. Барлык теләгәннәрне яздыралар. "Вакыты белән сайлап алулар булачак, кем үзе китәр. Бу спортта табигый сайланыш бар. Һәркемнең дә кәшәкә тоту кулыннан килми", - дип аңлата тренер Виктор Сорокин. Боз сарае ачылгач, фигуралы шуу түгәрәге дә барлыкка килде. Казаннан тренерны махсус чакырганнар.
Атнага 3 мәртәбә күнегүләр уздыра. Кыскасы, әлегә сан өчен тырышалар, аннары сыйфатка игътибар итәчәкләр. Ачык шугалакта бию төркемнәре өчен махсус мәйданчык каралган. Аны Питрәч хоккей командаларын матчлар вакытында хуплап, көч биреп торачак. Ябык шугалакта тренажер залы бар. Аена 500 сум түләп йөрисе. Башка түгәрәкләр дә шуннан ким булмаячак. Секциягә балаларны Интернет аша да яздырырга була ("Электронное образование" РТ). Ирек Санатуллин Боз сараеның шәһәрнекеннән бер дә ким булмавын әйтә. Хәйрия, күңел ачу акцияләре үткәрелеп торачак. Алар район гына түгел, шәһәр халкын да тартачак.
Следите за самым важным и интересным в Telegram-каналеТатмедиа