Мәскәү өлкәсе Раменское шәһәрендә үткән армспорт буенча Россия беренчелегендә Питрәч балалар-яшүсмерләр комплекслы спорт мәктәбендә тәрбияләнүче ике яшүсмер Россия чемпионары булды.
Артур Макаров һәм Данил Фәйзуллин үз үлчәү категорияләрендә пьедесталның иң югары баскычына күтәрелде. Антон Фирсов 5 нче урын алды.
Россия Армспорт Федерациясеннән сөенечле хәбәр килде, Артур Макаров РФ спорт мастеры булды, ә Антон Фирсов һәм Илдан Сафин Россия спорт мастерлыгына кандидат булдылар.