Алга
  • Рус Тат
  • Студентлар авыл хуҗалыгы ветераннары белән очраштылар

    Һөнәр сайлау - бик җаваплы адым, чөнки кеше эшне ошатып кына түгел, ә аның кирәкле булуын аңлап та сайларга тиеш. Ленино-Кокушкино авыл китапханәсендә «Кирәкле һөнәрләр» дип исемләнгән мәгълүмати сәгать узды. Мәктәп укучылары, җирле көллият студентлары, «WorldSkills Kazan 2019» эшче һөнәрләр чемпионатында катнашучылар авыл хуҗалыгы хезмәт ветераннары белән очраштылар.

    Механизатор һәм тракторчы Анатолий Солодков, кошчы Татьяна Егорова, комбайнчы һәм механизатор Анатолий Андронов, тракторчы, бульдозерчы һәм экскаваторчы Петр Кузнецов, ташчы, төзүче Ришат Галимҗанов үзләренең күпьеллык тәҗрибәләре турында сөйләделәр. Аларның һәркайсы 40-50 елдан артык туган җирендә - совхозда, кошчылык фабрикасында эшләгән.
    - Үз һөнәреңне яратырга, үзең һәм техника өчен җаваплы булырга, яңа технологияләргә өйрәнергә, белгечлекне үзләштерергә һәм ирешелгәннәрдә генә тукталып калмаска кирәк, - ветераннар менә шундый сүзләр белән яшь буынга мөрәҗәгать итте.
    Күптән түгел генә «WorldSkills Kazan 2019» стандартлары буенча һөнәри осталык буенча 45 нче дөнья чемпионаты тәмамланды, анда һөнәри осталык буенча чемпионатның төбәк этапларында укытучы һәм чемпионат эксперты Рәфкать Сөләйманов белән Ленино-Кокушкино көллияте студентлары да катнашты. Көллиятне тәмамлаучылар Илдар Шәрәпов, Вячеслав Жуков һәм Булат Гыйльманов үзләренең хезмәт эшчәнлекләре турында сөйләделәр һәм укучыларга яхшы укуларын теләде, аларны яңа техника һәм осталык үрләрен үзләштерүдән курыкмаска чакырды.
    - Очрашудан бары тик уңай тәэсирләр генә калды, мин үз эшенең осталары, искиткеч хезмәтчәннәр белән танышуыма бик шат, - ди көллиятне тәмамлаган Вячеслав Жуков. - Көллияттә бик күп файдалы һәм кирәкле белемнәр алдым, ә практика узганда һөнәри күнекмәләр, яхшы тәҗрибә тупладым, белгечлек буенча белемнәрне тирәнәйттем. Мин сайлаган һөнәремнән канәгать, - дип билгеләп үтте ул.
    - Ветераннар белән һәр очрашу минем өчен үзенчәлекле. Аларның тормыш сөючәнлегенә һәм оптимизмына таң калам, - ди студент кыз Екатерина Максимова.
    Әлеге очрашуны Ленино-Кокушкино авылы китапханәсе, Яшьләр үзәге хезмәткәрләре әзерләде һәм үткәрде.

     

    Нравится
    Поделиться:
    Реклама
    Комментарии (0)
    Осталось символов: