Бүген Татарстан Президенты Рөстәм Миңнеханов республиканың 26 район башлыгына яңа мәктәп автобусларыннан ачкычлар бирде.
Ике яңа ачык сары төсле Ford Transit автобусларыннан ачкычны Питрәч районы башлыгы Эдуард Дияров та алды.
- Мәктәп автобуслары белән тәэмин итү - ул бала кая гына укыса да, белем дәрәҗәсе - югары дәрәҗәдә булуга тагын бер адым, - дип ассызыклады Рөстәм Миңнеханов. ТР Президенты шулай ук мәктәп автобуслары белән тәэмин итү программасы алга таба да гамәлгә ашыралачак, дип ышандырды.