Автомобильне техник тикшерүне никадәр еш узарга кирәк

Машинага техник тикшерү үткәрү – автомобильчеләр даими рәвештә уза торган процедураларның берсе. Автомобильнең техник торышын никадәр еш тикшертергә кирәк – материалда.

Техник тикшерү вакытында тормоз системасының, рульнең, яктылык приборларының, пыяла чистарткычларның һәм пыяла югычларның эшен, шулай ук тәгәрмәчләрнең һәм аларның дискларының торышын тикшерәләр.

Гамәлдәге нормалар нигезендә, яңа җиңел машиналар, шулай ук авырлыгы 3,5 тоннадан кимрәк булган йөк машиналары һәм мотоцикллар беренче дүрт елда техник тикшерүдән азат ителә.

Шул ук вакытта такси автомобильләре искәрмә булып тора. Мондый машиналарны беренче биш елда ел саен, ә аннан соң елга ике тапкыр тикшертергә кирәк.

Дүрт елдан алып 10 елга кадәрге җиңел машиналарны һәр ике ел саен тикшерергә кирәк. 10 елдан артык йөргән машиналарга техник тикшерү ел саен үткәрелергә тиеш.