Питрәчтә юл хәрәкәте иминлеге буенча комиссия утырышы узды

Питрәчтә юл хәрәкәте иминлеге буенча район комиссиясенең быел беренче утырышы узды. ЮХИДИ башлыгы Рәмис Алләмов хәбәр иткәнчә, агымдагы елда (17 февральгә кадәр) районда 173 юл-транспорт һәлакәте булган. Узган елның шул ук чорында 201 очрак теркәлгән. Бер кеше һәлак булган, 6сы җәрәхәт алган. Аеруча куркыныч булып саналган урыннар: М7 автомобиль юлы, Казан-Шәмәрдән автомобиль юлы («Царево» торак комплексына керү урыны) һәм Көек авылында җәяүлеләр кичүе.

- Юл-транспорт һәлакәтенең төп сәбәпләре - узып китү кагыйдәләрен бозу, каршы як хәрәкәт полосасына чыгу белән бәйле маневрлар, шулай ук җәяүлеләрне бәрдерү, - дип санап китте Рәмис Рәис улы.