Барысы да җиңүче булырга теләде

Якшәмбе көне бик матур һәм кояшлы иде. Әйтерсең, табигать үзе дә бу көнне булган вакыйгалар өчен сөенә һәм әлбәттә, әдәби батлда катнашучыларның кәефендә дә бу чагылмый калмады. Һәркем үзенең әдәбиятны бик яхшы белүен күрсәтергә теләде. Ә безнең өчен катнашучыларның кайсы әдәбиятны яхшы белүен, иҗади фикер киңлекләрен ачыклау мөмкинлеге туды. Район мәдәният йорты һәм "Батыр" кинотеатры арасындагы мәйданчык бер арага икенче мәктәпнең "Ал җилкәннәр" һәм беренче мәктәпнең "Форпост" командалары өчен әдәби подиумга әйләнде. Шунысын да әйтеп китәргә кирәк, чара бердәм сайлау көнендә Әдәбият елы кысаларында уздырылды.

Әдәби батл укучыларга эрудицияләрен, команда белән эшли белүләрен күрсәтергә мөмкинлек бирде, көрәш рухы, уңай эмоцияләр тудырды. Әдәбият сөючеләр үзләрен ниди генә ярышта сынап карамады! Укучыларга бигрәк тә "Шигъри урындык" конкурсы ошады. Биредә укучыларга тәкъдим ителгән сүзләрдән шигырь язарга һәм соңыннан аны рэп стилендә укырга кирәк иде. "Ал җилкәннәр" командасы әлеге бәйгедә искиткеч чыгыш ясады. Катнашучылар үзләренең артистлык сәләтләрен дә сынап карады, Шулай ук флэш-моб та биеделәр. Лия Шәйдуллина, Амалия Карсакова, һәм "Форпост" командасы капитаны шулай ук әдәби батлның иң яхшы катнашучысы Дима Воркунов бәйрәмне матур җырлары белән бизәп торды.

Жюри нәтиҗәләре буенча, ике команда да бик лаеклы чыгыш ясады. Тик ике балл белән алга чыгып, икенче мәктәпнең "Ал җилкәннәр" командасы җиңү яулады. Китапханәчеләр әлеге чара матур узсын өчен бик тырышкан иде. Шуңа күрә дә чара бик уңышлы узды.