Мәктәп укучылары тыл хезмәтчәне Зәһия апа Рәхмәтуллина белән очрашты. Аның сөйләр сүзләре күп иде. Балаларга сугыш вакытында башыннан кичергән хәлләр, көнне-төнгә ялгап эшләүләре турында сөйләде.
Шушы араларда аны Питрәчкә җиңүнең 70 еллыгына багышланган "Питрәч йолдызчыгы" конкурсының гала-концертына чакырганнар. Күңел өчен күп кирәкмени? Юбилей Медале, чәчәкләр тапшыруларына сөенүен, балаларның оста җырлауларына соклануы турында сөйләде ул. Укучылар Зәһия апага дөньяның матурлыгын тоеп, рәхәтен күреп, алга таба да сау-сәламәт яшәвен теләделәр.