Алга
  • Рус Тат
  • Яз ашыктыра: техника ремонтын тизләтергә кирәк

    Яз үз хокукларын алды. Тиздән игенчеләр өчен иң җаваплы чор - язгы-кыр эшләре башлана. Районда авыл хуҗалыгы техникасын язгы-кыр эшләренә әзерләү тулы куәткә бара.

    - Язгы-кыр эшләренә әзерлек план буенча бара, - ди район авыл хуҗалыгы идарәсе башлыгы Ирек Сабиров. - Хуҗалыкларда ремонтчылар, механизаторлар әлеге мөһим чарага җаваплы карый, машина-трактор паркларында тырышып эшли.

    Быел яз иртә килергә охшаган, шуңа күрә ремонт эшенә җәлеп ителгән һәр кешенең тырышып эшләве таләп ителә.

    Бүгенгә "Ак Барс-Питрәч" агрофирмасы", "Соя Колай", "Агрострой", "Казан нәсел атлар заводы" "Рацин Шәле" хуҗалыкларында техника әзерлеге 90-95 процент тәшкил итә. Калганнарга да ашыга төшәргә кирәк - республика авыл хуҗалыгы һәм азык-төлек министрлыгы барлык техниканы 1 апрельгә әзерләп бетерү бурычы куйды.

    Мартның соңгы ун көнендә техниканы ТР Авыл хуҗалыгы министрлыгы һәм район белгечләреннән торган махсус комиссия кабул итә башлаячак.

    "Соя Колай" хуҗалыгында җир биләмәләре 4100 гектар тәшкил итә, быел 2982 гектарында сабан культуралары чәчәргә планлаштыралар.

    - Бездә техника эшкә әзер, - ди хуҗалыкның баш инженеры Александр Калашников. - Слесарь-ремонтчылар Алексей Козлов, Тимофей Романов, эретеп ябыштыручылар Николай Антонов, тимерче Александр Титов, токарь Виктор Парфенов һәм механизаторлар тырышлыгы ярдәмендә моңа ирештек. Без чәчү башланганын гына көтәбез.

    Николай Антонов туган хуҗалыгында электр газ белән эретеп-ябыштыручы булып 36 ел эшли. Ул әлеге һөнәрне Чита шәһәрендә армиядә хезмәт иткәндә үзләштерә. 1979 елдан бирле бер генә чәчү һәм урып-җыю эше дә аннан башка узмый.

    Мин СПТУ-93 тә укыдым, анда тракторчы-машинист һөнәрен алдым, шулай да миңа эретеп-ябыштыручы эше күбрәк ошый, - ди үз эшенең остасы Николай Викторович. - Без, ремонтчылар, беркайчан да эшсез утырмыйбыз.

    Белгечләр һәм хезмәттәшләре дә аның турында яхшы фикердә:

    - Безнең Николай һәрвакыт ярдәм итәргә әзер, беркемне дә кире борып җибәрми.

    10 мартта районда авыл хуҗалыгы агрегатларының язгы-кыр эшләренә әзерлеге 93 процент тәшкил итә, тракторларның 91 проценты әзер.

    Нравится
    Поделиться:
    Реклама
    Комментарии (0)
    Осталось символов: