ХУҖАБИКӘЛӘР ӨЧЕН

Моның өчен уртача зурлыктагы 2-3 ташкабак, йомырка – 2, он – 10-12 аш кашыгы, сарымсак – 2-3 тырнак, тоз, борыч, укроп – тәменчә, кыздырыр өчен үсемлек мае кирәк булачак.
Ташкабакны юып, тышчасыннан әрчергә, иң вак угычтан уарга кирәк. Бүленеп чыккан суын сөзеп, ташкабак массасына 2 йомырка сытарга. Укропны вак кына турап, сарымсакны пресс аша үткәреп, он, тоз, борычны ташкабакка кушып яхшы итеп болгатырга. Кыздырылган табага 2-3 аш кашыгы үсемлек мае салып, ташкабак коймагын кашыклап салып кыздырырга.