Питрәч район башлыгы Илһам Кашаповның финанс хезмәткәрләре көне белән котлавы

Питрәч районының финанс системасында беренче класслы белгечләр, җаваплы, намуслы, белемле кешеләр хезмәт куя, алар иң катлаулы бурычларны үтәргә сәләтле, бюджет һәм салым законнары нечкәлекләренә тиз төшенәләр.
Районның икътисади үсеше дәрәҗәсе һәм аның тотрыклылыгы традицион һәм яңа заманча финанс механизмнарының эшенә бәйле. Иҗтимагый эшләрдә катнашуыгыз, көндәлек, агымдагы финансларны реформалаштыру белән бәйле бурычларны хәл итүгә зур өлеш кертүегез өчен сезгә рәхмәт белдерәм. Акча ресурсларын оста билгеләү һәм планлаштыру, аларны куллану белән идарә итү – бүген финанс хезмәткәрләре алдында катлаулы бурыч булып тора.
Сезнең фидакарь хезмәтегез киләчәктә дә район үсеше һәм район халкының имин тормышын тәэмин итәргә ярдәм итәр дип ышанып калам.
Сезгә яңа идеялар, уй-ниятләрегезне, алга куелган максатларыгызны чынга ашыруда зур ихтыяр көче, сәламәтлек, уңышлар телим.